අසාර්ථක වූ තුර්කි හමුදා කුමන්ත්‍රණයට උරදුන් සියලු නිළධාරීන්ට එරෙහි විනය කි්‍රයාමාර්ග ගැනීම තුර්කි රජය මේ වන විට ආරම්භ කර තිඛෙනවා. ඒ අනූව ඊයේ වන විට පොලිස් නිලධාරීන් 8000 ක් සේවයෙන් පහකර ඇති බවයි විදෙස් වාර්තා අනාවරණ කලේ. බී බී සී පුවත් සේවය වාර්තා කලේ හමුදා සාමාජිකයින් 6000 ක් සහ විනිසුරු වරුන් 3000 ක පමණ පිරිසක්ද මේ වන විට නීතිමය පියවර ගැනීම සඳහා යොමුකර ඇති බවයි. පසුගිය සෙනසුරාදා ඇතිවූ මෙම හමුදා කුමන්ත්‍රණය අතරතුර හටගත් ගැටුම්වලින් 208 දෙනෙකු මරණයට පත්වුණා. තුවාල ලැබූ සංඛ්‍යාව 1500 කට ආසන්නයි. කිසිදු කුමන්ත්‍රණකරුවකුට සමාව ලබානොදෙන බව තුර්කි ජනාධිපතිවරයා අවධාරණය කර තිඛෙනවා.
ඇතැම් වැරදිකරුවන්ට අනුබල දෙන රටවල් සමග ගත්කල නීතිය කි්‍රයාත්මක කිරීමේදී තුර්කිය ගෙන ඇති පියවර පැසසුමට ලක්විය යුතුය යන්න නීති විශාරදයින්ගේ අදහසයි.
මෙම කුමන්ත්‍රණයට සම්බන්ධ සියල්ලන්ට එරෙහිව දඩුවම් ලබාදෙන බව කුමන්ත්‍රණය අතරතුර රූපවාහිනිය ඇමතු තුර්කි ජනාධිපති රෙසප් ටයිප් අඩොවාන් මහතා ප්‍රකාශ කලා. මෙහිදී අදහස් දැක්වූ ජනාධිපතිවරයා අවධාරණය කලේ තුර්කි යුධ හමුදාවෙන් රාජ ද්‍රෝහීන් ඉවත් කිරීමේ කාලය එළැඹ ඇති බවයි.
තුර්කි යුධ හමුදාවේ කණ්ඩායමක් හමුදා කුමන්ත්‍රණයක් මගින් පසුගිය සෙනසුරාදා එරට පාලන බලය ඔවුන් යටතට ගැනීමට තැත් කිරීම හේතුවෙන් අන්කාරා අගනුවර සහ ඉස්තාන්බුල් නුවර දැඩි නොසන්සුන් වාතාවරණයක් හටගෙන තිබුණා.
එහිදී බළධාරීන් පියවර ගෙන තිබුණේ රටේ ඇඳිරි නීතිය සහ මාර්ෂල් නීතිය ද පැනවීමටයි. අන්කාරා අගනුවර මර්මස්ථාන රැසකට සෙබලුන් දහස් සංඛ්‍යාත පිරිසක් එහිදී යොදවනු ලැබුවා.
මෙම සිදුවීම ලෝක නායකයින් රැසකගේද විවේචනයට ලක්වූණා. කෙසේවෙතත් දේශද්‍රෝහීන්ට දඩුවම් දෙන අයුරු තුර්කියෙන් හෝ ඇසීමට ලැබීම අගය කල යුතුයි.
එම වාර්තාව සෞඛ්‍ය අමාත්‍යංශ අධ්‍යක්ෂ ජනරාල් පාලිත මහීපාල වෙත ලැබුනේ ඊයේ පස්වරුවේයි. එම ඩයි වර්ගය තවදුරටත් ඉවත්කර තැබීමටයි කමිටුව දැනුම් දුන්නේ. අදාල ඩයි වර්ගය තවදුරටත් ජාතික ඖෂධ අධිකාරිය හරහා පරීක්ෂා කරවීමටද කමිටුව මගින් නිර්දේශ කෙරුනා.මෙවැනි සිදුවීමක් වාර්තාවුවහොත් එය සෞඛ්‍ය අමාත්‍යංශය වෙත දැනුම් දෙන්නැයිද හෘද රෝග ඒකකයේ අධ්‍යක්ෂවරයා ඇතුලු වෛද්‍යවරුන් දැනුවත් කිරීමටද කමිටුව නිර්දේශ කර තිඛෙනවා.
